ដោយ ៖ រដ្ឋា
គ្រប់លក្ខខណ្ឌច្បាប់ដែល អនុញ្ញាតដោយក្រសួងសេដ្ឋកិច្ច និងហិរញ្ញវត្ថុតម្រូវឱ្យបើក ហាងបញ្ចាំត្រូវមានច្បាប់ទទួល ប្រតិភោគដោយអនុប្រទាន ពិសេសគឺហាងបញ្ចាំនីមួយៗ ត្រូវតែអនុវត្តទៅលើតែចលនៈ វត្ថុនិងអចលនៈវត្ថុណាដែល មានលក្ខណៈស្របច្បាប់តែ ប៉ុណ្ណោះ ។ ជុំវិញករណីដែល គ្រប់ហាងបញ្ចាំណាមិនបាន ទទួលយកវត្ថុបញ្ចាំដែលមាន លក្ខណៈស្របច្បាប់គឺសមត្ថកិច្ច ក្នុងមូលដ្ឋាននោះត្រូវចុះបង្ក្រាប និងរាយការណ៍ទៅថ្នាក់លើ ចំពោះបទល្មើសដែលបង្កឡើង ដោយហាងបញ្ចាំដើម្បីចាត់ ការតាមផ្លូវច្បាប់ ទើបអាច កាត់បន្ថយបទល្មើសលួចប្លន់ និងឆបោកយករបស់មកបញ្ចាំ ខុសច្បាប់បាន ។
ជាក់ស្តែងនៅហាងបញ្ចាំ ឈ្មោះ ហ៊ី សុភ័ក្ត្រ ដែលមាន ទីតាំងផ្ទះលេខ ២E ផ្លូវលេខ ២៤៧ សង្កាត់ទឹកល្អក់ ៣ ខណ្ឌ ទួលគោក ផ្ទុះជាជម្លោះរវាង ក្រុមគ្រួសារមួយដែលមានប្អូន ប្រុសទំនើងលួចយកម៉ូតូម៉ាក Click ពាក់ស្លាកលេខ 1AN-6606 បានចោទម្ចាស់ហាងថា បានទទួលយកម៉ូតូពីប្អូនទំនើង របស់ខ្លួនដាក់បញ្ចាំដោយពុំ មានកាតគ្រីអ្វីទាំងអស់ ។ ម្យ៉ាង វិញទៀតហាងបញ្ចាំឈ្មោះ ហ៊ី សុភ័ក្ត្រ ដែលទទួលដាក់បញ្ចាំ ក៏អត់ចេញបង្កាន់ដៃឱ្យអ្នកយក ម៉ូតូមកបញ្ចាំឡើយដោយគ្រាន់ តែថតរូបបញ្ចូលក្នុងលែបថប រួចវាយឈ្មោះនិងលេខម៉ូតូចូល ហើយបញ្ជូនម៉ូតូទៅលាក់នៅ កន្លែងផ្សេងៗដោយគិតការ ប្រាក់ ១០ភាគរយ ។
ករណីទទួលបញ្ចាំបំពាន ច្បាប់ក្រសួងសេដ្ឋកិច្ចនិងហិរ ញ្ញវត្ថុពីហាងបញ្ចាំ ហ៊ី សុភ័ក្ត្រ បង្កការក្តៅក្រហាយដល់ក្រុម គ្រួសារដែលចង់អប់រំប្អូនឱ្យដើរ តាមផ្លូវល្អគឺពិតជាពិបាករហូត ក្រុមគ្រួសារមួយនេះទៅប្តឹង ដល់សង្កាត់ទឹកល្អក់ ៣ និងប៉ុស្តិ៍ នគរបាលទឹកល្អក់ ៣ ប៉ុន្តែត្រូវ បានមេប៉ុស្តិ៍ឆ្លើយតបដោយខ្វះ ការទទួលខុសត្រូវថារឿងនេះខ្ញុំ ធ្លាប់លើកក្នុងអង្គប្រជុំដែរ តែ គេមិនស្តាប់ ។ ម្យ៉ាងវិញទៀត ឋានៈត្រឹមមេប៉ុស្តិ៍អាចធ្វើអ្វី កើត ឆ្កុយបោះគាត់ទៅធ្វើឱ្យ មជ្ឈដ្ឋានប្រជាពលរដ្ឋដែល ស្តាប់ការអះអាងរបស់ជនរង គ្រោះទះទ្រូងហួសចិត្ត ស្រប ពេលដែលមករៀបរាប់នៅមុខ សាលាសង្កាត់ទឹកល្អក់ ៣ ។
ប្រជាពលរដ្ឋដែលមកសា លាសង្កាត់ខ្លះបានអះអាងថា តាមពិតទៅកុំថាមេប៉ុស្តិ៍នគរ បាលសង្កាត់ទឹកល្អក់ ៣ គាត់ ធ្វើអ្វីមិនកើត ព្រោះអាករណី យកម៉ូតូមកបញ្ចាំនៅក្នុងសង្កាត់ ទឹកល្អក់៣ មិនមែនតែប្រភេទ មនុស្សដូចប្អូនទំនើងបងឯង នោះទេពិសេសគឺក្រុមចោរលួច ចោរប្លន់ ចោរកាច់.កម៉ូតូ គឺ សុទ្ធតែយកមកបញ្ចាំនៅទីនេះ ទាំងយប់ទាំងថ្ងៃវាគ្រាន់តែថា ហាងបញ្ចាំខ្លះគេចេញបង្កាន់ ដៃឱ្យមិនដូចជាករណីថតរូប ទុកដូចហាងបញ្ចាំឈ្មោះ ហ៊ី សុភ័ក្ត្រ តែប៉ុណ្ណោះ ។ ហើយ មានពេលខ្លះសូម្បីម៉ូតូប្រឡាក់ ឈាមដែលគេសង្ស័យថាជា ករណីប្លន់ប្រដាប់អាវុធក៏ហាង បញ្ចាំនៅក្នុងសង្កាត់ទឹកល្អក់ ៣ ទទួលយកដែរ ព្រោះភាគ ច្រើនករណីលួចប្លន់យកមក បញ្ចាំដូចលក់អញ្ចឹងមិនដែល ឃើញម្ចាស់មកលាស់យកវិញ នោះឡើយ ។
មានការអះអាងទៀតថា ម៉ូតូថ្មីៗសេរី ២០១៤ ឬ២០១៥ ឬ២០១០ គឺឃើញមានម៉ូយ មកពីខេត្តឆ្ងាយៗទិញទទួល យកដែលម្ចាស់ហាងបញ្ចាំអាច ចំណេញពាក់កណ្តាលដោយ សារមុខរបរទុច្ចរិតបំពានច្បាប់ ទទួលប្រតិភោគដោយអនុប្រធានអនុញ្ញាតចេញពីក្រសួង សេដ្ឋកិច្ច និងហិរញ្ញវត្ថុ ហើយ មានការឃុបឃិតបិទបាំងពី សមត្ថកិច្ចមូលដ្ឋាននេះហើយ ទើបឃើញព័ត៌មានខ្លះបញ្ជាក់ ពីសកម្មភាពចោរកម្ម ៤ ទៅ ៥ លើក ទើបចាប់បានតែរឿង ដែលចម្លែក គឺសមត្ថកិច្ចបែរ ជាមិនអាចវែកមុខអ្នកពាក់ព័ន្ធ ដែលទទួលផលពីចោរកម្មទៅ វិញ ។ ផ្អែកលើចំណុចនេះ ហើយដែលគេអាចសម្មត់បាន ថា សម្បុកចោរកម្មក្នុងរាជធានីភ្នំពេញគឺពិតជាជ្រកក្រោម ហាងបញ្ចាំនៅក្នុងសង្កាត់ទឹក ល្អក់ ៣ ដែលអាចផ្តល់លា់ភ សក្ការៈទៅឱ្យមន្ត្រីប៉ុស្តិ៍និង ព្រហ្មទណ្ឌខណ្ឌទួលគោកថែម ទៀតផង ទើបការប្រព្រឹត្តបទ ល្មើសទទួលផលពីចោរកម្ម ហាក់មានស្ថានភាពស្ងប់ស្ងាត់ ស្របពេលដែលសកម្មភាពឆក់ ប្លន់កំពុងកក្រើកនៅក្នុងរាជ ធានីភ្នំពេញ ។
បើអគ្គស្នងការនគរបាល ជាតិនៅតែមិនបានរឹតបន្តឹងយក ចិត្តទុកដាក់ទៅលើសុវត្ថិភាព ចោរកម្មដែលផ្តល់ឱកាសចេញ ពីសង្កាត់ទឹកល្អក់៣ទេនោះ គោលនយោបាយភូមិ-ឃុំមាន សុវត្ថិភាពដែលដាក់ចេញ ដោយក្រសួងមហាផ្ទៃគឺពិតជា មិនអាចទទួលជោគជ័យឡើយ។ ព្រោះមានលទ្ធភាពច្រើន ណាស់ ប្រសិនបើមន្ត្រីប៉ុស្តិ៍ សង្កាត់ទឹកល្អក់ ៣ មិនអាច បង្ក្រាប បាន គឺត្រូវរាយការណ៍ ទៅថ្នាក់លើហើយអាចផ្តល់ បទសម្ភាសន៍តាមសារព័ត៌មាន ក៏ជាគន្លឹះទប់ស្កាត់ករណីទទួល ផលចោរកម្មនៅមូលដ្ឋានខ្លួន បានដែរ ៕
